مدونة عماد

من شهرين سافر والعيله مو متعوده على غيابه حاسس انو الكل بلش يشتاقله يعني بمجرد ما يجي ذكره بحس انو في غصه  ودموع مكتومه وخصوصا من طرف امي او ابي بس عن جد بزعل عليهم كتير لأنو بحس انو ما عم يقدروا يتعودوا على هالوضع الجديد

وضع غياب اخي علاء

ما في حدا متعود على غياب شخص عن البيت بهالشكل البعيد والطويل وخصوصا امي وابي مع انو عم نحاول ما نخليهم يعيشوا بفراغ ويملوا وقتهم بس بيضل في شي على طول مخليهم شاردين وصافنين بهالدنيا

بس الشي اللي مطمنهم  انو الحمد لله متوفق بشغله على حد قوله

بس والله اشتقناله بالنسبه الي عم شوفه بمنامي وعم اطمن عليه

غريبه هالدنيا كيف كنا وكيف صرنا

بس اييييييييه رح نتعود شو رح نعمل غير هيك

اليوم بدأ العمل بقانون السير الجديد في سوريا

وانا ما بعرف شو اللي صاير بالبلد اليوم

الشوارع فيني قول انو فاضيه وشوفيرية التكاسي اغلبهم مو عاجبهم الوضع الجديد

ودوريات الشرطه مستنفره والحاله تعبااااانه

ووصلتني الاوامر اليوم من السلطات العليا (بابا) انو انزع اللزقات عن السياره وضليت شي ساعتين واقف تحت الشمس لحتى خلصت

خلاصة الامر انو القانون الجديد ما اختلف كتير عن القديم بس الاختلاف صار بالتشديد على المخالفات ومضاعفة الغرامات شي خمس اضعاف وببعض المخالفات صار فيها توقيف وحبس وحذف نقط من الشهاده

والله يسترنا من غضب الشرطه

انها تدوينتي الأولى

وقد قمت بعمل مدونتي الخاصه بعد أن قمت بزيارة عدد من المدونات والاطلاع على اهمية فكرة التدوين وما فيها من استفادة وأفكار رائعة

وهكذا قررت أن يكون لدي مدونتي الخاصة وبعد جلسه استمرت حوالي الساعتين قررت أن تكون مدونتي عن طريق word press

لأني وجدت انه من أفضل المواقع وأيضا لقد ساعدني صديقي علوش على فهم بعض الأمور التي كنت اجهلها عن بعض الأمور في البرنامج

وهكذا بدأت بالتدرب على بعض الأمور إلى إن أصبحت جاهزا للخوض في هذه التجربة التي اعتقد أنها ستكون ممتعه ومفيدة