من شهرين سافر والعيله مو متعوده على غيابه حاسس انو الكل بلش يشتاقله يعني بمجرد ما يجي ذكره بحس انو في غصه ودموع مكتومه وخصوصا من طرف امي او ابي بس عن جد بزعل عليهم كتير لأنو بحس انو ما عم يقدروا يتعودوا على هالوضع الجديد
وضع غياب اخي علاء
ما في حدا متعود على غياب شخص عن البيت بهالشكل البعيد والطويل وخصوصا امي وابي مع انو عم نحاول ما نخليهم يعيشوا بفراغ ويملوا وقتهم بس بيضل في شي على طول مخليهم شاردين وصافنين بهالدنيا
بس الشي اللي مطمنهم انو الحمد لله متوفق بشغله على حد قوله
بس والله اشتقناله بالنسبه الي عم شوفه بمنامي وعم اطمن عليه
غريبه هالدنيا كيف كنا وكيف صرنا
بس اييييييييه رح نتعود شو رح نعمل غير هيك
Alloush قال
الله يرجعوا بالسلامة يا رب، وتفرحوا فيه، وعقبال ما نتوفق أنا وأنت كمان، يعني لولا الظروف ما كان سافر، ومتل ما قلت، الحمد لله شغلو كويس ومعو رفيقو وليد، أحسن من بلا.
fatosha قال
أها يعني أنت أخوه لعلاء .. رفيق علوش
بلشت افهم الرابط
الله يرجعلكن ياه بالسلامة … صدق يلي قال الغربة كربة
أحمد نذير بكداش قال
الله يرجعوا بألف سلامة ان شاء الله
FaRaH M قال
كل ولد بالبيت الو مطرح بقلب امو وابو … مهما حاولتوا ما هتقدروا تعبوا الفراغ : (
الله يرجعو بالسلامة ويفرحكن فيه …
بكون هو كمان مشتقلكن كتير … بس هي هيك الدنيا
عبود قال
الله يوفق علاء
ويكون معو
مبروووك المدونة عمادوووو
موفق يارب
doctoraydy2008 قال
الف بركة ياعماد مدونتك الجديدة بس أنا بانتظر اشوف فيها شخصيتك المتفردة عن الجميع وياريت تزورني في مدومنتي سأسعد كثيرا بزيارتك و رايك القيم
mo3anah قال
توديع اي فرد من افراد الأسره شيء صعب للغايه ..
يترك معك امانة باقي الأسره ….
علي امل ان تلقاه في اقرب وقت في ظروف مناسبه
sara28 قال
الله يرجعو بالسلامة الكن انشالله….
أحمد نذير بكداش قال
وينك يا أخي ؟!
ليش مو مبين ؟
عماد قال
مشكورين جميعا على مروركم اللطيف والجميل
عبود
الله يبارك فيك وعقبال عندك كمان
احمد بكداش
والله اني شوي كنت مشغول بس والله مشتاق للجميع