مدونة عماد

بحجة الفن اصبحنا نرى التعري  على شاشاتنا العربيه دون ان نستطيع التكلم لأنه عند السؤال عن المشاهد (الساخنه)التي نراها يبررها اصحابها بأنها معالجه للواقع المؤلم او انها شرح لما يدور في مجتمعاتنا

لكن التسميه الحقيقيه لها هي (انحلال اخلاقي وتعري فاضح) وبعد ذلك تصبح بطلة الفيلم او المسلسل سيدة مجتمع وقدوه للكثير من الفتيات وعند حديثها في اي مقابله نرى كل الاحترام والتقدير من المشاهدين الكرام لجهودها المبذوله في سبيل الفن

وفي المقابلات والسهرات التلفزيونيه التي نشاهدها نرى بأن الفنانه الفلانيه  تاخذ دور السيده الفاضله في المجتمع الفاضل وتبدأ بالتكلم عن الاخلاقيات والاصول والاتيكيت وكأنها (الامرأه المثاليه)

والمؤسف في الامر هو انه عند مشاهدة هكذا افلام وخصوصا من قبل الفئه الاكبر في مجتمعاتنا وهي الفئه (المكبوته والمنغلقه) نرى ان معظم الفتيات ينظرون الى العالم الخارجي من خلال ما يشاهدونه في هذا المسلسل او ذاك الفيلم مما يسبب الكثير من الانحلال الاخلاقي عند اعطاء الحريه لهذا النوع من الفتيات اللواتي يحسبن انهن بهذه الطريقه وهذه التصرفات سيكونون ……….سيدات المجتمع

يعني مع احترامي لمبدأ انو الشغل مو عيب بس بعتقد انو شغلة (شوفير تكسي) صارت تعنيلي

انسان ( وقح ,بيحكي كتير , بيعمل حاله انسان مثالي وهوه انسان على الاغلب تافه جدا, الحلال عليه حرام على غيره , كل الناس حواليه بهايم ما بيعرفوا يسوقوا سياره بس هوه معلم …….)

والامثله على هالشي كتيره يعني اذا الواحد غلط معه غلطه صغيره او حتى بيجوز ما تكون غلطه بيقعد بينزل فيه المسبات ولا بيخلي لا امه ولا اخته ولا مرته والعيله كلها ما بتخلص من لسانه

وبنفس الوقت بيكون هوه عامل شي افظع بكتير اما قبل بدقيقتين او بعد بدقيقتين

يعني على مبدأ انو الجمل ما بيشوف حدبته

وفي ناس عاملين سياراتهم ملاهي ليليه ……..

وكأنوا مو طالعين عالشغل طالعين مشوار مشان يرتاحوا بعد الشغل

بقى شو بدو الواحد يحكي بس

احسن شي انو ناخد الامر بابتسامه عريضه ونتقبل هالصنف من مجتمعنا

لفت انتباهي بالفتره الماضيه انو صرت بس شوف اي شخص بيكلمني عن علاقته بالبنت اللي بيحبها بيختم كلامه بكلمة (عجب هيي بتحبني متل ما انا بحبها) بالرغم انو بتكون البنت مو مقصره معه بشي (ما حدا يفهمني غلط) بس انو عم بتقدم الحب والوفاء وووووو ….. بس عم لاحظ انو بأغلب الحالات بيكون في نوع من عدم الثقة بالحبيب بالنسبه للمشاعر وهالكلام بينطبق حتى عالبنات يعني بمعنى اخر انو هالشعور متبادل بين الطرفين بأغلب الاحيان

انا بالنسبه الي بعتبر انو الانسان او الانسانه اللي بدهم يفكروا بهالطريقه يراجعوا حساباتهم لأنو على الغلب بيكون في شي غلط بعلاقتهم ببعض يعني اما عدم ثقه او عدم شعور بالامان

وسألتها؟؟؟؟؟؟ عن الموضوع

قالتلي انو حب الشب للبنت لما بيكون صادق وبعيد عن اي مصلحه او غايه بيكون اكيد حب عظيم ومثالي

والبنت لما بتحب الشب حب بريء بدون تصنع كمان بيكون الحب صادق وناجح

ووصلت لنتيجه حتميه انو ما في شي اسمه حب كتير او قليل

في شي اسمه حب او لا حب

طبعا صار في شوية انقطاع عن المدونه بسبب السفر لأنو انشغلت شوي بالمزرعه وأمور الحصاد والزراعه

وأكيد اشتقت للكل بدون استثناء