يعني مع احترامي لمبدأ انو الشغل مو عيب بس بعتقد انو شغلة (شوفير تكسي) صارت تعنيلي
انسان ( وقح ,بيحكي كتير , بيعمل حاله انسان مثالي وهوه انسان على الاغلب تافه جدا, الحلال عليه حرام على غيره , كل الناس حواليه بهايم ما بيعرفوا يسوقوا سياره بس هوه معلم …….)
والامثله على هالشي كتيره يعني اذا الواحد غلط معه غلطه صغيره او حتى بيجوز ما تكون غلطه بيقعد بينزل فيه المسبات ولا بيخلي لا امه ولا اخته ولا مرته والعيله كلها ما بتخلص من لسانه
وبنفس الوقت بيكون هوه عامل شي افظع بكتير اما قبل بدقيقتين او بعد بدقيقتين
يعني على مبدأ انو الجمل ما بيشوف حدبته
وفي ناس عاملين سياراتهم ملاهي ليليه ……..
وكأنوا مو طالعين عالشغل طالعين مشوار مشان يرتاحوا بعد الشغل
بقى شو بدو الواحد يحكي بس
احسن شي انو ناخد الامر بابتسامه عريضه ونتقبل هالصنف من مجتمعنا
Mohammad Irshid قال
هي الحياة هيك…
اكيد كلامك صحيح مليون بالمية،،لكن مش الكل…
لانو في ناس ختايرة ,, يعني كبار في العمر…
صدقني اني بحبهم من كل قلبي ولما انزل من السيارة بعطيه فوق العداد ( شوي مش كتير)..
اما موضوع اللي قالب سيارته ملهى ليلي..فهاي موجودة كتير…اضواء ودباديب وقلوب حب..وحاطط سماعات ووفر امبلي فاير…وعند بتحسها شقة …
الساحرة الصغيرة قال
السلام عليكم و رحمة الله و بركاته …
أخى عماد … بكل مكان أحلى شى شوفير التاكسى … مش بحلب فقط !!
واضح انها سمة مشتركة ما بين الدول العربية … الحمدلله حاجة متفقين فيها
لكن من فضلك الشوفيرات أنواع …
هناك هذا الذى يمكنه أن يعطيك علقة ساخنة من أجل الأجرة …
و هناك الذى يصدع رأسك بأخبار الكرة … و أنت و نصيبك و قد طول المشوار …
و هناك الشوفير الوقور المتدين و لكنه لا يكف عن الحديث عن البنزين و الغلاء و الناس …
و هناك و هناك …
أحسن شىء بالفعل كما قلت أن تعطى الواحد ابتسامة إعلانات معجون الأسنان و تمشى ..
الحمدلله مش باركب تاكسيات … إا مع أخى أو أبى …
تحياتى لك أخى
FaRah قال
ازا انتو شباب وعم تحكوا هيك !!!
هلاء احيانا بدك تعذرهم يعني تعب طول النهار ووشوب و لزقانين ورا هالكرسي … مشان هيك بصيروا بسبوا وما بعود عندن توازن للأمور !! مع انو اكيد هالشي مو مبرر كافي لأي انسان …
اكتر شي بدايئني بشوفيرية التكاسي التدخين … وازا كان شتا ومسكر الشبابيك بتحس السيارة صارت محششة !!
الله بعين …
شكراً عالموضوع الواقعي عماد … دمت بخير : )
fatosha قال
بس بلا التعميم بيكون أحسن ..
أوقات بتطلع مع شوفير، بتحسه ابن المهنة وخصوصا الرجال الكبار بالعمر شوي، يعني بيحترمك .. هادي بسواقته مابيزعجك بياخد على قد العداد دون شلفات خيالية ..
بس هدول قلال كتير..
وبيناتنا والله الله يعينهن على هالرزقة .. صعبة
mo3anah قال
كانا بنواجه هذه المشكله ,,
و خاصة في مصر …
و لكن هناك البعض من يسوقوا بأعتدال
=
شكرا اخي علي الطرح الجيد و الموضوع الواقعي
=
دمت بود
max13 قال
يعني هوي مرض معدي ومنتشر بكل المدن السورية على حد سواء
يعني وبشان ما عمم بيضل في شوية أوادم
بس بشكل عام الشوفيرية تبعوت التكاسي بالمجتمع هنن صنف بلهموطي وعذرا من البلهموط لأنو بيجوز لساتوا عم يتعلم منن ” يعني لشوفيرية التكاسي “
Rana قال
بالنسبة الي شوفير التكسي .. واحد نصاب و طماع ..
اذا شاف وحدة طالعة معها كياس بيقول معناها في معا مصاري لازم يلهط عليها …
وقت نشوف هيك انواع منحس انو الاخلاق انعدمت
بس ما بدنا نظلم في منون اوادم ,,, حرام بس للأسف الأغلبية مو مناح ومجنين سواقة متل الرالي !!
والله صرت بس اطلع بالتكسي اتشاهد على روحي عالطريق …
لا ميكرو ولا تكسي كلو فافوش ..
عطاالله قال
أفضل شيء ممكن ينعمل هو تقليل عدد مرات ركوب التاكسي والاستعاضة عند عدم وجوب السرعة بالمواصلات الأخرى يعني أرخص واقل كترة غلبة
سلامي لك
عماد قال
تعليقات من الواقع
مشكورين جميعا