يعني شو بدو الواحد يحكي………..
بيطالبوا بالمساواة والتحرر وما بعرف شو وبيتصرفوا متل ما بدهن …والله نحنا يللي لازم نطالب بحقوقنا مو هنن
لك بيكون الواحد ماشي بهالبلد وما بيشوف الا اعلانات (مطلوب انسه للعمل………)بنفتح الجريده ما بنشوف الا (شركه تجاريه بحاجه لسكرتيره………)(مطلوب موظفات للعمل في…….) وكأنوا ما ضل شباب بالبلد
لك شو بدو الواحد يحكي……..
بيكون الواحد واقف على شي دور مشان يدفع فاتوره او اي شي ما بيلاقي ولا بتنط شي وحده بخلقته وبتوقف اول الدور (على اساس انو هيي ست وما بيصير توقف عالدور)
ومن فتره كنت بالجامعه وكان عندي امتحان وقبل ما ادخل وقفني شب وسالني اذا معي قلم زياده وكان معي قلمين فعطيته واحد وما لاقيت ولا هالشب شال القلم وعطاه لوحده بنت واقفه جنبه
يعني حسيت لثواني انو انا نكره او مو بني ادم………
يعني هالبنت لو كانت طلبت القلم مني مباشرة كنت رح اكلها ولا بدي اتغزل فيها مثلا
ولا انا ما بينحكى معي لأني شب وبيجوز اذا طلبت مني او حكيت معي رح تنهان كرامتها ولا شو……..
بقى حاج يقولوا بدنا مساواة وحقوق وحكي فاضي
والله انا شايف انو اخدين حقوقهن وحقوقنا وعم يدوروا على شي جنس ثالث مشان ياخدولهم حقوقم كمان……..
(وبالمناسبه انا قررت اعمل جمعية الدفاع عن الرجل وكل مين حابب ينتسب يتفضل)
º ~ Fake_Prince ~ º قال
ههههه …
تدوينه رائعه ..,,
و لكني أختلف … في بعض النقاط ,,
و لكن ليه موضوع العمل ده ؟
اذا نظرت في جهة الدول العربيه … لقيت مطلوب شباب للعمل ..
تحياتي لك
Emad قال
ايه صحيح في الدول العربيه مطلوب شباب ولكن بمواصفات خياليه
بعدين اخي ايهاب يعني اللي متلي طالب جامعي مو معقول يفكر بالسفر ولسى ما خلص دراسته
مشكور على الزياره
أحمد نذير بكداش قال
هههههههههههه
تدونية مضحطة..
يعني هلق في حقوق المرأة وما في حقوق الرجل..
هاد بس منشان نحنا إذا بدنا حقوق راح نخدها بدون جمعية حقوق بس نحنا تركنهم لأنهم مساكين
ههههه
هاد الحكي ال أنا حكيته مشابه لحكي اسرائيل عندما قالت أنها هزمت حزب الله
تحياتي
مستر بلوند قال
هههههههههه
هو أخ عماد شوف .. المشكلة عند الرجال قبل النسوان .. يعني في رجال نفوسهم الخسيسة وتصرفاتهم الدنيئة هي يلي بتخليلك هيك تقول .. مثلاً بتكون جاي أنت وواقف على شيء موقف بتلاقي بعد شوي إجت بنت ، أنتو الإثنين بدكن تكسي .. طبعاً صاحب التكسي أكيد حيطلع معو البنت حتماً ولو أنت أشرت له بالأول ولو أنت كنت واقف قبل البنت .. فالمشكلة بهيك نفوس مريضة ونفس الشي .. صاحب العمل بقول لك : يا أخي بجيب بنت حلوة أمورة بشغلها عندي أحسن لي ما جيب شب حطوا بوشي ..
بالفعل نفوس مريضة …
max13 قال
جميلة جدا تدوينتك مع تحفظي على بعض النقاط لكن بالفعل لا تستغرب بتحول بعض المهن للنساء تصور عاملة مكنسيان مثلا ولا دهان انثى ولا حلاقة شعر ؤجالي
يعني اليونان واوربا بشكل عام هيك صاير فيها الله يستر ما يصير فينا متل دكر النحل دوروا محدد وبعدها لازم قتلو ….. ههههههه
الساحرة الصغيرة قال
نفسي أعرف و بعدين معهن فعلا … يعني ايه مساواة و تحرر … انا أعرف إن الإسلام جاء و أعطى للمرأة حقها في التعليم و نشر الدعوة و العمل و إختيار شريك الحياة … و بعدين لماذا تنازل أي امرأة عن مملكتها و توهم نفسها بأنها تسعى لحقوق أخرى … ألا يكفينا ان نكن ملكات في مملكتنا … من هي المرأة هي الأم و الزوجة و الأخت و الأبنة … يعني مميزة جدا الحمدلله … و يمكنها أن تعمل إذا أحبت لكن أن تؤدي عملها الأقدس كما ينبغي و هو رعاية زوجها و أبنائها …
كويس أنك شرحت شعورك عشان في المستقبل نتفادى أي أخطاء بهذا الشأن 
لكن بالنسبة للموقف اللي حصالك معش اعذرهما يمكن تكون البنت أخته مثلا … يعني انا لو كنت عايزة قلم و معي أخي .. سأطلب من أخي أن يجلب لي قلم … أمال هو الأخ لازمته ايه
لكن شفت انا حيادية ازاي ؟
تحياتي لموضوعك الجميل …و ايه أخبار امتحناتك … بإذن الله موفق …
تحياتي أخي
°·.¸.·°¯°·.¸.·°¯°·.¸.->ғαқε_ρяïи¢ε<-.¸.·°¯°·.¸.·°¯°·.¸.·° قال
ههههه
لا أخي انا اتكلم علي الحصول علي خبره و بعدين السفر
–
غير متفق مع الساحره الصعيره :/
رولا قال
احيانا يكون في الاعلان ايضا : “مطلوب موظفة حسنة المظهر” !!
وغالبا لا يشترط سوى ذلك ..
سأظل مناهضة لما ابتدعته الثقافات الدخيلة من اذلال للمرأة تحت مسمى “حقوق المرأة” ..
لأنني أجد قمة السخف أن نبحث عن شيء موجود أصلا ..
في ديننا وقيمنا ..
أو نتوقع عدالة أكبر في حقوق المرأة التي يضعها البشر .. من تلك التي وضعها الله ..
وحاش لله طبعا ..
هذه البدعة الجديدة ليست سوى دعوة للتخلف والعري والانفلات للمرأة ..
على اساس ان ذلك من “حقها” ..
وعلى نساءنا السلام !!
تحيتي لك ..
salam قال
عنجد معك حق ، يعني صار الرجال لازم يطالبو بحقوقهم ، يعني أنا بروح عدوائر الدولة كلو موظفات و نادرا ما شوف موظف ، فطالما بطالبوا بالمساواة ليش مطلوب الشب يقعد البنت مكانو بالباص أو يكون الها أفضلية بالدور لما بكون فيه طابور بشر … ، طيب بدكن مساواة خلو المساواة بكل شيء …
تحياتي
Alloush قال
::. وكأنوا ما ضل شباب بالبلد ::.
هو فعلاً ما ضل شباب يا عماد، وينهم، فرجيني ياهن، ما كلهن طاروا وصاروا برا؟!
خليها على ربك يا أبو النور، خليها على ربك.
أما عن حقوق المرأة، لك يا زلمة حرام عليك، أي حقوق عم تحكي عليها، حق العمل؟ طيب أساساً لولا أخوانا الذكور يلي بيمعنوا التعليم عن المرأة، ومستعدين لقتلها عند أتفه سبب [قتل بمعنى ضرب قد يصل للموت]، يلي بياخد حصتها من الورثة وبيخليها تخرس، ويلي بيطلقها وما بيعطيها حقها ولا بيصرف عليها أو على ولادها.
أمثال هدول هن يلي شكلوا هاجس الخوف عند المرأة ورغبة منها بالعمل ضمان لكرامتها واستقلاليتها من شيطان الذكر.
أما عن قصة القلم، فهي أمراض نفسية اجتماعية الذكر بعاني منها متل ما بتعاني منها الأنثى، مجتمع بيربي أطفاله على تخويفهم من الجنس الآخر من صغرو، شو بدك يعمل؟.
يا زلمة إذا كان بصغرنا حتى تعاقب الطفل بالابتدائي كانوا يقعدو جنب البنات؟!!!
تخيل يعني إنو البنات شياطين والذكر حيوان مفترس، من صغرنا تعلمنا هل العقد ورضعناها.
فبدنا كتير حتى نوصل لمرحلة وسط من التفاهم.
مع التأكيد إني متفهم كل كلمة حكتيها وشعوري من شعورك.
Rana قال
بعد أن كتبت تعليقي طار بسبب خطأ للأسف بس رح ارجع عيدو (oO)
تدوينــة جميلة ..
ولكن تعقيباً على كلام / علوش / المرأة بحاجة إلى استقلاليتها عن الرجل و السبب ببساطة إن مات زوجها أو طلقها أو ركض وراء أخرى / رح تصفى بالشارع / وتصبح عالة على أهلها إن لم تكن تعمل وبيدها معاش يؤمن لها حياة كريمة ..
يجب أن تكون استقلاليتها بعيدة عن الحاق الضرر بالرجل من ناحية العمل لأنه أحق منها بذلك بما أنه / بنك العيلة / وواجب عليه المصروف ليؤمن كل متطلبات الحياة للزوجة والأولاد ..
ولكن لا ننسى أن عدد النساء الآن أصبح ضعف عدد الرجال وربما أكثر فلا بد لكم أيها الشباب والرجال أن تجدوها أينما حللتم بالعمل بالدراسة أينما كان ..
بالنسبة لقصة القلم .. أعجبني تعليق الساحرة الصغيرة .. بركي كان أخوها ..
أحسن شي لا تفكر كتير , يصطفلو ..
تحيــــــــــــــــــــــــة
°·.¸.·°¯°·.¸.·°¯°·.¸.->ғαқε_ρяïи¢ε<-.¸.·°¯°·.¸.·°¯°·.¸.·° قال
لك واجب علي المدونه تاني ;mrgreen:
نوره قال
أنا سعودية
وعندنا فيه دعوات لتحرير المرأة
ونحن نخاف من القادم
لأن تحرير المرأة عندنا يدعو لقيادة المرأة للسيارة ( ممنوع لدينا لأن حسب مذهبنا الفقهي سفر المرأة دون محرم لايجوز وخلوتها بالرجل لاتجوز)
ويدعو لعملها بأماكن مختلطة وفي كل المهن ( تعمل لدينا المرأة حاليا بمهن كثيرة ..لكن ليس كلها مقبول اجتماعيا..فمثلا المعلمة وكل الوظائف بالتعلم والجامعات وعاملة ببنك وغيرها من الدوائر الحكومية ..مقبول …لأنها أماكن لايوجد فيها اختلاط بين النساء والرجال..لكن بدأت تخرج وظائف في الشركات والمؤسسات ..نادرة وغير مقبولة لكونها فيها اختلاط)
الغطاء والعباءة … بدأ البعض بالتخلي عنها ..لكن الكثييييير متمسكين بها لأنها دين وليست عادة..كما ينظر الأخرين
أنا كإمرأة أجد أن طلب هذه الأمور ليس طلب حقوق بل تكليف للمرأة بأعباء أكثر
وتضييع للشباب والرجال
وإلا فالأمم التي بدأت تفهم في الغرب
بدت تدعو لأن يكون عمل المرأة بالبيت
وأن تأخذ راتب على جلوسها بالبيت
فراس قال
السلام عليكم
كُنت قد كتبت تدوينة عن هذا الموضوع من قبل
بالفعل كلامك صحيح
http://www.feras.ws/blog/المرأة-في-مُجتمعاتنا/
تحياتي
فراس
culturereflection قال
ههههههه
يلا و هي انا مسجل معك
حاكم ما بنقدم على شغل إلا بننسئل ميت سؤال و كإنو تحقيق
بتجي بنت أمورة طار الشغل و بدون ما يعرفو شو معا
بئا سلامتك