يعني طولت كتير عن مدونتي بس الحق يقال …….اشتقتلها
واشتقت لكل المدونين بس ما بعرف كنت ملتهي بكتير شغلات
المهم ..اليوم شفت شغلات فعلا غريبه بس بنفس الوقت طبيعيه
يعني بطلعه وحده بالتكسي اول شي بيوقف جنب تكسي تاني بيكون مشغل وبصوت عالي طبعا اغنيه عظيمه لفنان عظيم بتقول …..شاوي ماني شاوي …وما بعرف الكماله لأنو ما حفظتها من كتر ما بتضرب عالعصب
وبعد بشي 20 متر بيوقف جنب تكسي العن من اللي قبله حاطط ..لأاعن ابو اللي خلفج والعن والعن …..واللي بيعرف الكماله يكملها لحالو
يعني مستوى راقي جدا من الاغاني ,طبعا رح نقول انو بيجوز شوفير التكسي على مستوى متدني نوعا ما من الثقافه
بس بعد بشوي صغيره بتفاجأ بواحد عم يتقاتل مع مرتو بالسياره وصواتهن واصله لأخر الدنيا وطبعا ما رح احكي شلون كان عم يكفر ويسبها وما خلا امها ولا ابوها ولا العيله كلها
عن جد شي غريب
واخر شي ختمتها بواحد راكب افانتطي على قولة اهل حلب ومحسب حالو راكب شي سياره فضائيه وعم يسب العالم اللي حواليه وكأنو هوه شي وزير وما حدا عندو خبر
وهيك بكون وصلت عالبيت وانا متفائل بالمستوى الراقي لمدينتي
يعني عن جد غير شكل
gourytec قال
بالظاهر كانت رحلتك حافلة ومليئة بالمتعة ياباشا
هههههههههههههههههههههههههههه
غير مرة اطلاع بالباص وشوف أفلام أحلى بكتير من أفلام
شوفيرية التكاسي
ونصيحة إذا بدك تشوف فلم أكشن تطلع بباص الدائري جنوبي
عماد قال
يستر عرضك بلاه احسن الله لا يورجينا هيك يوم
قال دائري جنوبي
ريـــم قال
عم تدعم السياحة المحلية كتير انت
طول بالك شوي وهيدي هيدي هيدي
يمكن كل الصدف اللي صارت معك اليوم خلتك تحس بها الشي
بس مابعرف ليش بحس انو بحلب الناس على طول معصبين و مستنفرين و ما بيلقوا نكشة
يمكن هيك طبيعة أهل حلب ..
أما منشان ثقافة المكاري و التكاسي فبحب طمنك انها منتشرة بكل المحافظات شرقا و غربا جنوبا و شمالا ..
عماد قال
ايه لأنو ناقصنا فنادق 5 نجوم نحنا للمستثمرين العظماء على اساس هالقلعه وهالكم سايح اللي عم يدخلوا لعنا هنن اساس اقتصادنا العظيم
ايه خللي بالاول يلاقوا شغل لأغلب الشباب العاطلين واللي رح يصيروا كلهم كراسين بهيك فنادق ومطاعم
علوش قال
شعور متبادل حبيب، بعين الله.
الساحرة الصغيرة قال
السلام عليكم و رحمة الله و بركاته …
مرحبا أخي .. كيف حالك ؟ يا رب تكون بكل الخير ..
مش مشكلة .. حمدالله على السلامة .. و عود أحمد إن شاء الله ..
طولت كتير بس ؟ سنة و شهر ..
و كل عام و أنت بكل الخير و الصحة و السعادة .. أعاده الل عليك و على الأسرة بالخير و البركات ..
مش بحلب بس … يعني في أشياء و أخلاقيات كتير الناس صارت تتغافل عنها .. و فيه إنحطاط في الذوق العام .. للأسف الشديد في كل مكان
لكن ربنا يهدينا و يهدي الجميع ..
و كل عام و أنت بخير
تحياتي
maram_soft قال
هلق انا يلي جنني ع الاخير انو شفت ولد صغير شي صف خامس طالع من المدرسة ومعو موبايل احسن من موبايلي بمراحل هلق مو هون المشكلة المشكلة انو كان حاطط بس اسمع مني
وين البراءة يا ترى (هي كلمة خاصة باهل حلب وحمص )
تحياتي