مدونة عماد

صار عندي واجب تدويني وحاسس انو رجعت على ايام المدرسه والوظيفه

اخي ايهاب مررلي هالواجب الخطير ………..

رح ننفضح ….. الله يعينا

قال بدو اذكر 6 صفات ما بذكرها لحدا (بس بدون ما اذكرها واضحه لحالها)

على كل حال رح ابدأ من الاول…..

>>عنيد جدا في كثير من الامور ….. بس شوي شوي عم يمشي حالي

>>متسرع ومندفع (ببررها احيانا بأني شب ودمي حامي )

>>صريح كتير يعني ما في شي بيضل بقلبي (وهالشي بيسبب مشاكل كتيره)

>>بشعر احيانا انو اذا بدي شي بتنقصني الاراده القويه حتى اعمله (هي خطيره شوي)

>>بموت رعبه من الصراصر (يعني بهرب من الصرصور وبتركله البيت اذا اقتضى الامر(يا حيف عالرجال)

>>طلعوا معي خمسه بس للاسف

وغير هيك كل شي بقوله وما بيهمني شي

من شهرين سافر والعيله مو متعوده على غيابه حاسس انو الكل بلش يشتاقله يعني بمجرد ما يجي ذكره بحس انو في غصه ودموع مكتومه وخصوصا من طرف امي او ابي بس عن جد بزعل عليهم كتير لأنو بحس انو ما عم يقدروا يتعودوا على هالوضع الجديد

وضع غياب اخي علاء

ما في حدا متعود على غياب شخص عن البيت بهالشكل البعيد والطويل وخصوصا امي وابي مع انو عم نحاول ما نخليهم يعيشوا بفراغ ويملوا وقتهم بس بيضل في شي على طول مخليهم شاردين وصافنين بهالدنيا

بس الشي اللي مطمنهم انو الحمد لله متوفق بشغله على حد قوله

بس والله اشتقناله بالنسبه الي عم شوفه بمنامي وعم اطمن عليه

غريبه هالدنيا كيف كنا وكيف صرنا

بس اييييييييه رح نتعود شو رح نعمل غير هيك